සේනා දළඹුවා (Fall Armyworm) මර්දනය

 දළඹුවා හඳුනාගන්නේ කෙසේද?

• දළඹුවාගේ හිසෙහි යටිකුරු " Y"  හැඩති සලකුණක් ඇත.
• ලපටි කීටයන් ලා කොළ පැහැ වන අතර වැඩෙන විට කොළ,කහ හෝ දුඹුරු පැහැවේ.
• ශරීරයේ සෑම කණ්ඩයකම ලප හතර බැගින් පිහිටන අතර වැඩුණු දළඹුවකු සෙ.මී.3-4 වේ. 
• සලබයාට දිනකට කිලෝමීටර් 100 පමණ දුරක් පියාසර කල හැකි නිසා සුළං මඟින් ව්‍යාප්ත වේ.

 හානිය හඳුනාගන්නේ කෙසේද?

• බඩ ඉරිඟු ,වී,එළවළු ඇතුළු බෝග වර්ග 100 කට පමණ හානි කරයි.
• පත්‍ර විශාල වශයෙන් කාදැමීම නිසා ඉරුනු හා කඩතොළු වූ පත්‍ර ඇති වේ.
• ගොබය තුළ කීටයන් දැකිය හැක. තෙත සහිත ලී කුඩු වැනි මලද්‍රව්‍ය පත්‍රවල හා ගොබය තුල දැකගත හැක.
• ලපටි බඩ ඉරිඟු කරල් වල බීජ කා දමයි.

• වගාව පිළිබඳ නිරන්තර විමසිල්ලෙන් සිටින්න.
• හානිය තිබේ නම් අවශේෂ කොටස් පුළුස්සා විනාශ කරන්න.
• නයිට්‍රජන් පොහොර වැඩිපුර යෙදීමෙන් වලකින්න.ක්ෂේත්‍රය හා අවට වල් මර්ධනය කරන්න.
• ආසාදිත ශාක කොටස් වෙනත් ප්‍රදේශවලට ප්‍රවාහනයෙන් වලකින්න.වසංගත තත්වයෙන් වලක්වා ගැනීමට නිර්දේශිත කෘෂි රසායන භාවිතා කරන්න.
• කෘමිනාශක ප්‍රතිරෝධීතාව ඇතිවීම පාලනය සඳහා වෙනස් ක්‍රියාකාරීකාණ්ඩ සහිත  රසායන දින 07 කට වරක් යොදන්න.

නියෝජ්‍ය පළාත් කෘෂිකර්ම අධ්‍යක්ෂ (ව්‍යාප්ති) කාර්ය්‍යාලය 
ශ්‍රී බෝධි පාර 
ගම්පහ 
0332222164 
agddgmp@gmail.com     www.agridept.wp.gov.lk